Ligne stop tabac rendez-vous

La lingia stop tubac

La Lingia stop tubac porscha infurmaziuns e discurs da cussegliaziun detagliads en pliras linguas.

 

formular d'annunzia

Vus pudais era dumandar nus da telefonar enavos gratuitamain.

  • Atteignable du lundi au vendredi de 11h à 19h.

Tge As porscha la Lingia stop tubac?

Cussegliaziun en rumantsch ladin

Passa la mesadad da las fimadras e dals fimaders vul smetter da fimar. Savens na san els dentant betg co prender per mauns il process da smetter da fimar. La Lingia stop tubac è in servetsch da cussegliaziun per telefon che gida a moda nuncumplitgada da sa sdisar dal tubac.

Las cussegliadras ed ils cussegliaders da la Lingia stop tubac èn profis che san co preparar correctamain il smetter da fimar e tge metoda ch’è adattada. Els han gia pudì gidar millis da fimadras e fimaders.

Cura durant il di fimais Vus ina cigaretta? Erui en il discurs cun la cussegliadra Vossas disas e fixai communablamain ina data da smetter da fimar.

Co pudais Vus evitar las situaziuns difficilas, nua che Vus fimassas gugent ina cigaretta? Scleri ensemen cun la cussegliadra, nua che Vus stuais midar Vossas disas per ch’i reusseschi da restar senza fimar era suenter che Vus avais smess.

Tge metoda pudais Vus applitgar il meglier en Voss mintgadi persunal? As infurmai davart las differentas metodas da smetter da fimar.

Essas Vus fermamain dependent/a da nicotin? In tractament che sa basa sin medicaments facilitescha da sa deliberar da la dependenza da nicotin.

Enconuschais Vus il program d’agid a sasez Finamira betg pli fimar? As laschai declerar ils avantatgs da quest program.

Vulais Vus smetter da fimar ensemen cun auters? Dumandai tge curs da sdisada ch’i dat en Vossa regiun.

Avais Vus ina u gia pliras giadas puspè cumenzà a fimar? As infurmai co che Vus pudais profitar da Vossas experientschas per smetter da fimar cun success.

Avais Vus tema che Vus prendias tiers suenter avair smess da fimar? Quai na sto betg esser. Las cussegliadras ed ils cussegliaders da la Lingia stop tubac èn al current era davart il nutriment saun.

Essas Vus curt suenter avair smess da fimar anc malsegir/a u temais Vus da puspè cumenzar? La Lingia stop tubac As sustegna.

La Lingia stop tubac vegn manada da la Lia svizra cunter il cancer e finanziada dal fond per la prevenziun dal tubachissem.

FEGL PER L’AUTOCONTROLLA

Documentai detagliadamain Voss consum da cigarettas

FEGL PER L’AUTOCONTROLLA